- ਪਾਵਰ ਪੁਆਇੰਟ ਉੱਤੇ ਸੰਖੇਪ ਨੋਟ ਲਿਖੋ?
ਉੱਤਰ:- ਪਾਵਰ-ਪੁਆਇੰਟ ਇੱਕ ਐਪਲੀਕੇਸ਼ਨ ਸਾਫਟਵੇਅਰ ਹੈ। ਇਸ ਦੀ ਵਰਤੋਂ ਪ੍ਰਭਾਵਸ਼ਾਲੀ ਪੇਸ਼ਕਾਰੀ ਤਿਆਰ ਕਰਨ ਲਈ ਕੀਤੀ ਜਾਂਦੀ ਹੈ, ਜਿਸ ਵਿੱਚ ਵੱਖ-ਵੱਖ ਸਲਾਈਡਾਂ ਹੁੰਦੀਆਂ ਹਨ। ਇਹਨਾਂ ਸਲਾਈਡਾਂ ਵਿੱਚ ਤਸਵੀਰਾਂ, ਰੰਗੀਨ ਟੈਕਸਟ, ਫਿਲਮਾਂ, ਆਵਾਜ਼ਾਂ ਅਤੇ ਐਨੀਮੇਸ਼ਨ ਵਾਲੀਆਂ ਵਸਤੂਆਂ ਭਰੀਆਂ ਜਾ ਸਕਦੀਆਂ ਹਨ।
- ਸਲਾਈਡ ਅਤੇ ਪ੍ਰੈਜ਼ਨਟੇਸ਼ਨ ਬਾਰੇ ਜਾਣਕਾਰੀ ਦਿਉ?
ਉੱਤਰ:- ਸਲਾਈਡ (Slide):- ਇਹ ਪ੍ਰੈਜ਼ਨਟੇਸ਼ਨ ਦਾ ਮੁੱਖ ਭਾਗ ਹੈ। ਇੱਕ ਪ੍ਰੈਜ਼ਨਟੇਸ਼ਨ ਵਿੱਚ ਅਨਗਿਣਤ ਸਲਾਈਡਾਂ ਹੋ ਸਕਦੀਆਂ ਹਨ। ਸਲਾਈਡ ਵਿੱਚ ਟੈਕਸਟ, ਤਸਵੀਰਾਂ, ਚਾਰਟ, ਐਨੀਮੇਸ਼ਨ ਇਫੈਕਟ, ਆਡੀਓ, ਵੀਡੀਓ ਕਲਿੱਪ ਅਤੇ ਟੇਬਲ ਆਦਿ ਸ਼ਾਮਿਲ ਹੁੰਦੇ ਹਨ।
ਪ੍ਰੈਜ਼ਨਟੇਸ਼ਨ (Presentation):- ਇੱਕੋ ਵਿਸ਼ੇ ਨਾਲ ਸਬੰਧਿਤ ਸਲਾਈਡਾਂ ਦੇ ਇੱਕਠ ਨੂੰ ਪ੍ਰੈਜ਼ਨਟੇਸ਼ਨ ਕਿਹਾ ਜਾਂਦਾ ਹੈ।
- ਪਾਵਰ ਪੁਆਇੰਟ ਵਿੱਚ ਪ੍ਰੈਜ਼ਨਟੇਸ਼ਨ ਤਿਆਰ ਕਰਨ ਦੇ ਅਲੱਗ-ਅਲੱਗ ਤਰੀਕੇ ਦੱਸੋ?
ਉੱਤਰ:- ਪਾਵਰ ਪੁਆਇੰਟ ਵਿੱਚ ਪ੍ਰੈਜ਼ਨਟੇਸ਼ਨ ਤਿਆਰ ਕਰਨ ਦੇ ਤਿੰਨ ਤਰੀਕੇ ਹਨ: -
- ਬਲੈਂਕ ਪ੍ਰੈਜ਼ਨਟੇਸ਼ਨ (Blank Presentation)
- ਡਿਜ਼ਾਈਨ ਟੈਂਪਲੇਟ ਰਾਹੀਂ (Design Template)
- ਆਟੋ ਕੰਨਟੈਂਟ ਵਿਜ਼ਾਰਡ ਰਾਹੀਂ (Auto Content Wizard)
- ਲੇਅ ਆਊਟ ਕੀ ਹੁੰਦੇ ਹਨ?
ਉੱਤਰ:- ਲੇਅ ਆਊਟ ਇੱਕ ਸਧਾਰਨ ਡਿਜ਼ਾਈਨ ਹੂੰਦਾ ਹੈ। ਇਹ ਦਸਦਾ ਹੈ ਕਿ ਸਲਾਈਡ ਵਿੱਚ ਕੋਈ ਵਸਤੂ ਕਿੱਥੇ ਨਜ਼ਰ ਆਉਣੀ ਹੈ। ਪਾਵਰ-ਪੁਆਇੰਟ ਵਿੱਚ ਬਹੁਤ ਸਾਰੀਆਂ ਪਹਿਲਾਂ ਤੋਂ ਨਿਰਧਾਰਿਤ ਲੇਅ ਆਊਟ ਮੌਜੂਦਾ ਹਨ ਜਿਵੇਂ ਕਿ ਬਲੈਂਕ, ਕਨਟੈਂਟ, ਟਾਟੀਟਲ ਸਲਾਈਡ ਆਦਿ।
- ਐਨੀਮੇਸ਼ਨ ਕੀ ਹੁੰਦੀ ਹੈ?
ਉੱਤਰ:- ਐਨੀਮੇਸ਼ਨ ਇੱਕ ਅਜਿਹੀ ਤਕਨੀਕ ਹੈ ਜਿਸ ਦੀ ਵਰਤੋਂ ਕਰਕੇ ਫੋਟੋਆਂ ਅਤੇ ਅਵਾਜ਼ਾਂ ਉੱਤੇ ਵਿਸ਼ੇਸ਼ ਇਫੈਕਟ ਭਰੇ ਜਾ ਸਕਦੇ ਹਨ। ਐਨੀਮੇਸ਼ਨ ਦੀ ਮਦਦ ਨਾਲ ਸਲਾਈਡ ਦੀ ਸਮੱਗਰੀ ਨੂੰ ਇੱਕ-ਇੱਕ ਕਰਕੇ ਦਿਖਾਇਆ ਜਾ ਜਾਂਦਾ ਹੈ ਜਿਸ ਨਾਲ ਸਲਾਈਡ ਜਾਨਦਾਰ ਅਤੇ ਸਜੀਵ ਲੱਗਦੀ ਹੈ।
- ਸਲਾਈਡ ਟ੍ਰਾਂਜ਼ੀਸ਼ਨ ਕੀ ਹੁੰਦੀ ਹੈ?
ਉੱਤਰ:- ਸਲਾਈਡ ਟ੍ਰਾਂਜ਼ੀਸ਼ਨ ਪਾਵਰ ਪੁਆਇੰਟ ਦੀ ਇੱਕ ਅਜਿਹੀ ਵਿਸ਼ੇਸ਼ਤਾ ਹੈ ਜਿਸ ਦੀ ਮਦਦ ਨਾਲ ਸਲਾਈਡ ਸ਼ੋਅ ਦੌਰਾਨ ਸਲਾਈਡਾਂ ਦੀ ਦਿਖ ਅਤੇ ਨਜ਼ਰ ਆਉਣ ਦੇ ਤਰੀਕੇ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਇਸ ਵਿੱਚ ਵੱਖ-ਵੱਖ ਕਿਸਮ ਦੇ ਟ੍ਰਾਂਜ਼ੀਸ਼ਨ ਇਫੈਕਟ ਹੁੰਦੇ ਹਨ ਜਿਵੇਂ ਕਿ Dissolve, Fade ਆਦਿ।
- ਇੱਕ ਨਵੀਂ ਸਲਾਈਡ ਨੂੰ ਆਪਣੀ ਪ੍ਰੈਜ਼ਨਟੇਸ਼ਨ ਵਿੱਚ ਭਰਨ ਦੇ ਤਰੀਕੇ ਦੱਸੋ।
ਉੱਤਰ:- ਨਵੀਂ ਸਲਾਈਡ ਨੂੰ ਆਪਣੀ ਪ੍ਰੈਜ਼ਨਟੇਸ਼ਨ ਵਿੱਚ ਹੇਠ ਲਿਖੇ ਵੱਖ-ਵੱਖ ਤਰੀਕਿਆਂ ਰਾਹੀਂ ਭਰਿਆ ਜਾ ਸਕਦਾ ਹੈ: -
ਪਹਿਲਾ ਤਰੀਕਾ: - ਫਾਰਮੈਟਿੰਗ ਟੂਲ ਬਾਰ ਤੋਂ ਨਿਊ ਸਲਾਈਡ ਬਟਨ ਉੱਤੇ ਕਲਿੱਕ ਕਰੋ।
ਦੂਜਾ ਤਰੀਕਾ: - Insert → New Slide ਮੀਨੂੰ ਉੱਤੇ ਕਲਿੱਕ ਕਰੋ।
ਤੀਸਰਾ ਤਰੀਕਾ:- ਕੀਬੋਰਡ ਤੋਂ Ctrl+M ਨੂੰ ਦਬਾਓ।
- ਤੁਸੀਂ ਆਪਣੀ ਸਲਾਈਡ ਵਿੱਚ ਵਰਡ ਆਰਟ ਕਿਵੇਂ ਭਰੋਗੇ?
ਉੱਤਰ:- ਵਰਡ ਆਰਟ ਨੂੰ ਸਲਾਈਡ ਵਿੱਚ ਦਾਖਲ ਕਰਨ ਦੇ ਸਟੈੱਪ ਹੇਠਾਂ ਲਿਖੇ ਅਨੁਸਾਰ ਹਨ: -
- ਡਰਾਇੰਗ ਟੂਲਬਾਰ ਤੋਂ ਇਨਸਰਟ ਵਰਡ ਆਰਟ (Insert Word Art) ਆਇਕਨ ਤੇ ਕਲਿੱਕ ਕਰੋ।
- ਵਰਡ ਆਰਟ ਗੈਲਰੀ ਖੁਲ੍ਹੇਗੀ। ਇਸ ਵਿੱਚੋਂ ਲੋੜੀਂਦੇ ਸਟਾਈਲ ਦੀ ਚੋਣ ਕਰੋ ਅਤੇ OK ਬਟਨ ਉੱਤੇ ਕਲਿੱਕ ਕਰੋ।
- ਹੁਣ ਐਡਿਟ ਵਰਡ ਆਰਟ ਟੈਕਸਟ ਬਾਕਸ ਖੁੱਲ੍ਹੇਗਾ। ਇਸ ਵਿੱਚ ਟੈਕਸਟ ਟਾਈਪ ਕਰੋ।
- OK ਬਟਨ ਉੱਤੇ ਕਲਿੱਕ ਕਰੋ। ਵਰਡ ਆਰਟ ਚੁਣੇ ਹੋਏ ਸਟਾਈਲ ਵਿੱਚ ਤੁਹਾਡੀ ਸਲਾਈਡ ਵਿੱਚ ਦਾਖਲ ਹੋ ਜਾਵੇਗਾ।